Gwybodaeth

Comisiwn Dylunio Cymru (DCFW Ltd) yw’r corff cynghori cenedlaethol sy’n hyrwyddo rhagoriaeth dylunio ar draws amgylchedd adeiledig Cymru, a sefydlwyd gan Lywodraeth Cymru i helpu i wneud Cymru yn lle gwell i bawb.

Ein rôl yw hyrwyddo dyluniad da ar draws pob sector, ar gyfer ein lleoedd, ein hadeiladau a’n mannau cyhoeddus, a chyfleu manteision dyluniad da ym mhob man i bawb, gyda chefnogaeth ein panel o 35 o weithwyr proffesiynol annibynnol, blaenllaw ym maes amgylchedd adeiledig.
Rydym yn gweithio gyda Llywodraeth Cymru i ddatblygu polisïau sy’n ymwneud â dylunio, ac yn cefnogi awdurdodau lleol, datblygwyr a gweithwyr proffesiynol yn yr amgylchedd adeiledig i ddarparu lleoedd sydd wedi’u dylunio’n dda.

Rydym yn cefnogi datblygiad proffesiynol parhaus mewn dylunio a chreu lleoedd gyda hyfforddiant a digwyddiadau, rhwydweithiau amgylchedd adeiledig trawsddisgyblaethol unigryw, a chanllawiau arbenigol.

Mae ein gwasanaethau arbenigol a’n Hadolygiad Dylunio dan arweiniad cymheiriaid yn cryfhau datblygiadau mawr neu fach ar bob cam: o gynigion ar gyfer unedau diwydiannol i uwchgynlluniau lleol ac o friffiau datblygu ar gyfer cymdogaethau newydd i seilwaith trafnidiaeth ac ynni cenedlaethol hirdymor.