-
Cymorth i gleientiaid
Mae cymorth ar gael gan Gomisiwn Dylunio Cymru i gleientiaid yn ystod camau cynharaf eu prosiectau. Efallai y byddwn yn gallu helpu i ddiffinio eich prosiect, datblygu brîff y prosiect, neu gyfrannu at eich proses gaffael a dewis tîm. Mae llwyddiant unrhyw brosiect yn y tymor hir yn dibynnu ar ymgysylltu ymlaen llaw. Gallwn hwyluso gweithdai sy’n ychwanegu gwerth ac sy’n eich helpu i arbed amser a newidiadau costus yn nes ymlaen.
-
Hyfforddiant a Datblygiad Proffesiynol Parhaus
Mae hyfforddiant pwrpasol ar gyfer awdurdodau lleol, cynghorau tref a chymuned, a grwpiau trydydd sector ar gael gan Gomisiwn Dylunio Cymru. Mae’r pynciau’n cynnwys cynaliadwyedd, creu lleoedd ac asesu dyluniadau. Byddwn yn hapus i siarad â chi am eich anghenion penodol o ran hyfforddiant.
-
Adolygu dyluniadau
Mae ein gwasanaeth adolygu dyluniadau ar gael i gleientiaid, datblygwyr, dylunwyr, awdurdodau cynllunio, rhanddeiliaid, cyrff cyhoeddus eraill, grwpiau cymunedol neu aelodau o’r cyhoedd sy’n dymuno cael barn arbenigol annibynnol. Gallwn helpu i nodi cyfleoedd cynnar ar gyfer ansawdd dylunio da mewn cynigion datblygu ymhell cyn cyflwyno cais cynllunio a helpu awdurdodau lleol i sicrhau gwerth cyhoeddus drwy ragoriaeth dylunio.
Pwy rydym yn ei helpu
Os ydych chi’n gleient comisiynu, yn ddatblygwr, yn ddylunydd, yn awdurdod cynllunio neu’n rhanddeiliad, gallwch gysylltu â ni i gael gwybod sut gallai ein gwasanaethau cymorth i gleientiaid, hyfforddiant ac adolygu dyluniadau eich helpu chi.
- Cleientiaid comisiynu
- Datblygwyr
- Dylunwyr
- Awdurdodau cynllunio
- Rhanddeiliaid
- Cyrff cyhoeddus eraill