Design Commission for Wales

Mae Sir Ddinbych yn ymestyn o drefi glan-y-môr Gogledd Cymru, Y Rhyl a Phrestatyn, i lawr trwy Ddyffryn Clwyd, ac i’r de cyn belled â Chorwen a thref dwristaidd boblogaidd Llangollen. Mae hefyd yn cynnwys trefi hanesyddol Rhuddlan, Dinbych a Rhuthun, pob un â’i chastell ei hun, yn ogystal â thref gadeiriol fechan Llanelwy.
Sir amaethyddol yw Sir Ddinbych yn bennaf, a thwristiaeth ac amaethyddiaeth yw ei phrif ddiwydiannau. Mae parc busnes Llanelwy, sy’n ffinio â’r A55 ac sy’n ehangu’n gyflym, yn gartref i sawl cwmni a sefydliad. Yno, mae cartref pencadlys rhanbarthol Asiantaeth Datblygu Cymru.
Mae gwibffordd yr A55 yn llwybr hwylus at gysylltiadau fferis Iwerddon yng Nghaergybi, meysydd awyr Manceinion a Lerpwl a phrif rwydweithiau’r DU. Ceir hefyd cysylltiadau trên uniongyrchol o’r Rhyl i Gaerdydd (tair awr a hanner), Llundain (tair awr a chwarter) a phrif drefi a dinasoedd y DU.

Cyfarfod Gweithdy: Ar 6ed Awst 2008, fe wnaeth Wendy Richards gwrdd ag aelodau o’r pwyllgor cynllunio ac uwch swyddogion ymg Nghyngor Sir Ddinbych i drafod sut gallai Comisiwn Dylunio Cymru a’r Awdurdod weithio’n fwy agos gyda’i gilydd.
Adolygu Dylunio Rhanbarthol Ar Ebrill 22ain, fe gynhaliwyd cyfarfod Adolygu Dylunio rhanbarthol ym Mharc Busnes Llanelwy, Sir Ddinbych. Fe’i gadeiriwyd gan Alan Francis. O’r pum cynllun a adolygwyd y diwrnod hwnnw, roedd pedwar yn deillio o Ranbarthau Awdurdod Lleol Gogledd Cymru. Diolch yn fawr i holl dimau’r prosiect a gyflwynodd eu cynlluniau’r diwrnod hwnnw, y cynllunwyr lleol a’r Panel Adolygu Dylunio.

Adolygu Dylunio:Ar 21ain Ebrill 2010, cynhaliwyd diwrnod adolygu dylunio rhanbarthol yn Optic Technium, Llanelwy. Adolygwyd pedwar cynllun, a gwahoddwyd aelodau o awdurdodau cynllunio lleol i ddod i arsylwi er mwyn iddynt ddod i ddeall y broses adolygu dylunio ymhellach.