Design Commission for Wales

Mae Bannau Brycheiniog, sydd â’r proffil isaf o dri pharc cenedlaethol Cymru, yn lleoliad i filoedd o gerddwyr trefol o ardaloedd diwydiannol de Cymru a Gorllewin Canolbarth Lloegr. Mae bryniau crynion, sbyngaidd o laswellt a chraig yn cwympo ac yn dringo o amgylch dyffrynnoedd afon sy’n gorwedd rhwng ucheldiroedd sydd wedi’u ffurfio o dywodfaen a chalchfaen, ac sydd wedi’u taenu gyda llynnoedd sy’n ymddangos fel gwydr, a phentrefi sy’n ymddangos fel eu bod nhw wedi cael eu cerfio o un graig.

Digwyddiad Hyfforddi: Dylunio ac Adeiladu Cynaliadwy. Cynhaliwyd gan Awdurdod Parc Cenedlaethol Bannau Brycheiniog ar 12fed Mehefin 2008. Fe fynychodd swyddogion o’r Parc Cenedlaethol. Fe wnaeth Cindy Harris, Pennaeth Adolygu Dylunio Comisiwn Dylunio Cymru ac arbenigwraig ar gynaliadwyedd, a Wendy Richards, y Cyfarwyddwr Datblygu, gynorthwyo i hwyluso’r digwyddiad.
Cyfarfod Gweithdy: Ar 10fed Tachwedd 2008, fe wnaeth Wendy Richards gwrdd ag aelodau o’r pwyllgor cynllunio ac uwch swyddogion yn Awdurdod Parc Cenedlaethol Bannau Brycheiniog i drafod sut gallai Comisiwn Dylunio Cymru a’r Awdurdod weithio’n fwy agos gyda’i gilydd.
Adolygu dylunio rhanbarthol: Ar 21ain Gorffennaf 2010 cynhaliwyd diwrnod adolygu dylunio rhanbarthol yn Swyddfeydd Awdurdod Parc Cenedlaethol Bannau Brycheiniog. Adolygwyd pedwar cynllun, a gwahoddwyd aelodau o awdurdodau cynllunio lleol i ddod i arsylwi er mwyn iddynt ddod i ddeall y broses adolygu dylunio ymhellach.